БИШКЕК, 20-апр. — Sputnik. Чет өлкөлөрдө иштеген кыргызстандык мигранттар 2017-жылдын январь-февраль айларында былтыркы жылдын ушул маалына салыштырмалуу 85,7 миллион долларга көп акча которушкан. Мындай маалымат Улуттук банк тараткан билдирүүдө айтылат.
2016-жылдын эки айында 167,7 миллион доллар акча келсе, быйыл 253,4 миллион жөнөтүлгөн. Улуттук банк каражаттын 246,7 миллиону Россиядан (былтыр 161,1 млн.) которулганын айтты. Мындан тышкары, Казакстандан 0,5 миллион келсе, калган акча алыскы чет өлкөдөн салынган.
Ар кыл маалымат боюнча чет жакта жарым миллиондон бир миллионго чейинки кыргызстандык эмгектенип келет. Анын 80 пайыздан ашууну — Россияда.
