БИШКЕК, 18-апр. — Sputnik. Кыргызстандык Алина Пирматова Miss Asia World-2017 эл аралык сулуулук конкурсунда өлкө намысын коргойт. Бул тууралуу моделдик агенттиктин директору Таттыбүбү Самидин кызы билдирди.
Анын айтымында, конкурс Ливандын борбору Бейрут шаарында 5-майдан 22-майга чейин өтөт.
Конкурска 36 мамлекеттен келген 17 жаштан 26 жашка чейинки бийкечтер катышат.
20 жаштагы Алина Пирматова буга чейин да бир катар конкурстарга катышып, киного тартылган. Акыркы жолу "Бажарики" комедиясында роль жаратканы менен белгилүү.
