БИШКЕК, 15-апр. — Sputnik. Кыргызстандык спортчулар Бириккен Араб эмирлигинин Абу-Даби шаарында жиу-житсу боюнча өткөн дүйнө чемпионатында күмүш, коло байге алды. Бул тууралуу мелдештин расмий сайтында маалымдалды.
IPIC Arena аянтында өтүп жаткан чемпионат 10-апрелде башталган, 23-апрелде аяктайт. 100дөн ашык мамлекеттен беш миңден ашык спортчу катышып жаткан турнирдин байге фондусу 815 миң 400 долларды түзөт.
Кыргызстандык спортчу Асрор Максумов 94 килограммга чейинки салмак категориясында күмүш байге алды. Финалдык кармашта ал ливандык спортчу Рамзи Яхья упай жагынан уттуруп койгон.
Ал эми 85 килограммга чейинки салмак категориясында күч сынышкан Бекзат Алишов коло байгеге татыды.
Эки спортчу тең ак бел курунун ээси болуп саналат.
Белгилей кетсек, бул чемпионатка Жогорку Кеңештин мурдагы депутат Данияр Тербишалиев, эл аралык класстагы спорттун чебери болгон бир туугандар — Абдурахманхаджи Абдурахман жана Муртазали Муртазалиев да катышууда
