БИШКЕК, 20-фев. — Sputnik. Режиссер Актан Арым Кубаттын "Кентавр" тасмасы Берлин фестивалында Автордук кино эл аралык конфедерациясынын (CICAE) байгесине ээ болгонун Кинематографты колдоо фондусу билдирди.
Эскерте кетсек, аталган фестивалда 10-февраль күнү кыргызстандык тасманын дүйнөлүк премьерасы өтүп, көрүүчүлөр тарабынан жакшы кабыл алынган. Иш-чарага CICAE мүчөлөрү калыстык кылып, тасмаларды "Панорама" жана "Форум" секцияларында карап чыгышкан.
Аталган конфедерация өз сыйлыгын "Панорама" программасында ат салышкан "Кентавр" тасмасына ыйгаруу боюнча чечим кабыл алган.
Тасманын улуттук премьерасы Бишкек шаарында 26-март күнү өтөт.
