Кандуу январь. Өткөн айдагы жүрөк зилдеткен ири кырсыктар

© Sputnik / Табылды КадырбековКрушение самолета Boeing-747 недалеко от аэропорта "Манас"
Крушение самолета Boeing-747 недалеко от аэропорта Манас - Sputnik Кыргызстан
Жазылуу
Жаңы жыл башталаары менен массалык маалымат каражаттарында төбө чачты тик тургузган жаңылыктар чыгып, окурмандарды дүрбөлөңгө салып жатты. Ушундан улам январь айында болуп өткөн кырсыктарга токтолууну эп көпдүк.

5-январь — сүннөттүн арты менен каза болгон балакай

Россиянын Красноярск шаарында жашаган кыргызстандык балакай үй шартында сүннөткө отургузуудан улам көз жумду. Байкуш бала болгону үч жашта эле. Аталган факт боюнча кылмыш иши козголгон.

10-январь — бакма баласы ата-энесин сабап өлтүрдү

Мал баксаң оозу, мурдуң май болот, адам баксаң кан болот деген кеп жөн айтылган эмес белем. Бакма бала 63 жаштагы атасы менен 56 жаштагы апасын чөөгүн менен чаап өлтүргөн деп шектелүүдө.

15-январь — алыстан ажал тапкандар

Петровский районунун Нижний Новгород — Саратов автотрассасында Тарумовка айылынын тушунда жол кырсыгы катталгандыгы тууралуу маалымдалган. Андан каза тапкан жети жарандын бардыгы кыргызстандык экени айтылган. Кийинчерээк каза болгондордун төртөөсү биздин мекендештер болуп чыкты. 

16-январь — учак кырсыгы

Эртең менен "Гонконг — Стамбул" каттамы менен келе жаткан Boeing – 747 жүк ташуучу учагы "Манас" аэропортуна жакын Дача айылына кулап түшкөн. Алгач учак Бишкекке май куюу үчүн токтомоктугу айтылса, кийинчерээк жүк алып келгендиги ачык болду. Ошентип каргашалуу окуядан 39 адам каза болуп, бир нече адам жабыркады. 

18-январь — бизнесменге кол салуу

Жалал-Абаддагы эс алуучу борборлордун биринде 63 жаштагы бизнесменге кол салуу болуп, ал төрт күндөн кийин каза болду. Аталган кылмышка шектүү катары 24 жана 23 жаштагы жигиттер кармалды.

19-январь — бычакташкан балакайлар

Авиакатастрофа самолета Боинг-737-200 в районе аэропорта Манас - Sputnik Кыргызстан
Кыргызстанда кандай авиакырсыктар катталган — 12 окуя
19-январь күнү кечки саат тогуздар чамасында Кочкор районуна караштуу Кочкор айылындагы Капар Кыдыралиев атындагы мектептин окуучуларынын арасында мушташ чыккан. Анын арты бир окуучунун өлүмү жана бирөөсүнүн ооруканага жатуусу менен аяктаган. Каза болгон бала 9-класста окуучу. 

Өткөн айда окуучулардын урушу ушуну менен токтоп калган жок. 24-23-январь күндөрү да окуучулар урушуп, ал жакта дагы бычак колдонулган. Жыйынтыгында бир нече окуучу ооруканада жатат.

Жол кырсыктар

Алдын ала маалыматтар боюнча январь айында эле жол кырсыгынан 10го чукул адам каза болду. Бишкекте ири жол кырсыгынан бир аял каза болсо, Бишкек — Ош унаа жолунда Газель менен жеңил унаа кагышып бир нече адам набыт кетти. Кочкордо жүк ташуучу унаа оодарылып, эки адам көз жумду.

Жаңылыктар түрмөгү
0