БИШКЕК, 01-фев. — Sputnik. Февраль айына карата 1 куб метр газдын баасы калк үчүн 14,46 сом, өнөр-жай ишканалары, коммерциялык жана бюджеттик уюмдар үчүн кошумча нарк салыгын кошкондо 17,72 тыйын деп белгиленди. Бул тууралуу "Газпром Кыргызстан" ишканасы билдирди.
Отун-энергетикалык комплексин жөнгө салуу мамлекеттик агенттигинин "Калк үчүн жаратылыш газынын тарифи жөнүндөгү" буйругуна ылайык, газдын тарифи ай сайын АКШ долларынын Улуттук банк тарабынан бекитилген курсу менен өзгөрүп турат.
Белгилей кетсек, январда көгүлтүр оттун баасы калк үчүн 14,48 сом, өнөр-жай ишканалары үчүн 17,75 сом болгон.
