БИШКЕК, 26-янв. — Sputnik. Кыргызстандагы акысыз медицинаны жоюу керек. Бул тууралуу Sputnik Кыргызстан агенттигине "Ата-Мекен" фракциясынын депутаты Сайдулла Нышанов билдирди.
Анын айтымында, жарандар ансыз да дарыгерлерге акча берет.
"Дүйнө жүзүндө медицина күн сайын өнүксө, бизде абал начарлап жатат. Региондордон туура эмес диагноздор менен келип, жетишкени жакшы болуп, кечиккени каза болууда. Бул адистердин жетишсиздигинен улам жаралууда. Анткени дарыгерлердин маянасы өтө аз. 10 миң сомго күчтүү адистер иштебей кетип жатат. Ошондуктан кызматтарды акчага көрсөтсө жакшы болмок", — деди Нышанов.
Депутат бекер деп отура берсе кырдаал ого бетер курчуп кетерин кошумчалады.
