БИШКЕК, 16 янв— Sputnik. Дача-Суу айылына кулап түшкөн "Түрк аба жолдору" компаниясына таандык учактын кулашынан улам 23 үй жабыркаганын ӨКМ билдирди.
Жүк ташуучу учак эртең менен "Манас" аэропортуна жакын жерге кулап түшкөн. Каза болгондордун саны 20дан ашканын аталган министрлик белгилеп жатат. Буга чейин Саламаттык сактоо министрлиги каза болгондордун саны 16 киши экенин, алардын тогузу чоң киши, алтоо жаш балдар экенин кабарлаган.
"Алдын ала маалымат боюнча 23 үй жабыркады. Толук маалымат дагы берилет", — деп айтылат билдирүүдө.
Кырсык болгон жерге биринчи вице-премьер Мухаммедкалый Абылгазиев, өзгөчө кырдаалдар министри Кубатбек Боронов жана транспорт министри Жамшитбек Калилов дагы чыгып кетти.
Түрк басылмалары кулаган учак 747-400F үлгүсүндөгү учак экенин жазышууда.
