БИШКЕК, 22-дек. — Sputnik. Үстүбүздөгү жылдын 21-декабрында Мамлекеттик миграция кызматынын чакыруусу менен Кыргызстанга Афганистандан делегация келди. Сапар памирлик кыргыздардын балдары үчүн Кыргызстандагы окуу шартын жакшыртуу маселесин талкуулоону көздөйт. Бул тууралуу аталган мекеме билдирди.
Делегацияны Бадахшан провинциясынын губернатору Ахмад Файсаль жетектеп келди. Сапардын алкагында вице-премьер Чолпон Султанбекова, ЖК депутаттары, өкмөттүн Ош облусундагы өкүлү Таалайбек Сарыбашев менен жолугушуусу күтүлүүдө.
Эскерте кетсек, Памирде 1500гө чукул этникалык кыргыздар жашайт. Кыргыз өкмөтү аталган аймакка байма бай жардам көрсөтүп турат.
