Куттубек Абдуллаев: Исхактын батири анын бир туугандарынын атына да жазылды
Кара-Суу райондук социалдык өнүктүрүү башкармалыгынын башчысы Куттубек Абдуллаев президент тарабынан берилген үч бөлмөлүү батир Зульфия Усенованын төрт баласынын атына жазылганын билдирди.
"Батирге жаңы ремонт жасалып ичине керектүү эмеректер алынган. Каражат президенттин жеке фондунан бөлүнгөн. Батир Зульфия Усенованын төрт баласынын атына жазылды. Алардын жашы жете элек болгондуктан Кара-Суу райондук өнүгүү башкармалыгы үчүнчү тарап катары келишимдерге кол койду. Балдар 18 жашка толгонго чейин алардын укугу менен мүлкүн коргойбуз", — деп билдирди Абдуллаев.
Учурда үй-бүлө жаңы батирде жашап жатат.
