БИШКЕК, 21-окт. — Sputnik. Кыргызстан мусулмандарынын азирети муфтийинин орун басары Акимжан ажы Эргешов Москва шаарында өтүп жаткан "Ислам биримдиги, мусулмандар биримдиги — диалог негизинде" аттуу дүйнөлүк форумга катышты. Бул тууралуу муфтият билдирди.
Маалыматка ылайык, иш-чарага Улуу Британия, Ливан, Ирак, Индия, Казакстан, Монголия сыяктуу ондон ашуу мамлекеттен келген өкүлдөр, дин аалымдары чакырылган.
Форумдун алкагында "Философия жана теология диалогу", "Куран — биримдик үчүн негиз", "Логиканын өнүгүшү, ислам ойлору, интеграция жана плюрализм”, Ихсан (мыктылыкка аракет кылуу) — исламдын жүрөгү" аттуу төрт маселе каралды.
Форум эки күнгө созулду.
