БИШКЕК, 14-окт. — Sputnik. КМШ мамлекеттеринин тасма форумуна Кыргызстандан 13 кыска метраждуу тасма катыша турган болду. Бул тууралуу Кинематография департаменти билдирди.
Маалыматка ылайык, сынакка Кенжебек Шайлообаевдин "Тегирмен", Кымбат Адылбекованын "Таксист", Бакай Үсөналиевдин "Шакек", Айнура Чарчанбаеванын "Адамзат", Салтанат Зарнаеванын "Үй", Бекинай Токтосунованын "Будь чудом", Бектурган Кундузбековдун "Дүбүрт", Зирегүл Кубандык кызынын "Лунатик", Дастан Мадылбековдун "Шляпа", Болсунбек Таалайбек уулунун "Олжо", Нуржамал Дамирдин "Фрунзе", Азат Мамуновдун "Портрет" жана Акыйкат Аскаровдун "Заплыв" тасмалары ат салышат.
Быйылкы форум Гуманитардык кызматташуу боюнча мамлекеттер аралык фонд тарабынан колдоого алынып, КМШ өлкөлөрү, Грузия жана Балтика мамлекеттери катышат. Буга чейинки форумдар улуттук деңгээлде өтүп келген.
