БИШКЕК, 12-окт. — Sputnik. Алматынын полициясы дайынсыз жоголгон КР жараны 15 жаштагы Айперини издеп баштаганын шаардын ички иштер департаменти билдирди.
21-августта Сокулук районундагы Шалта айылынан 2001-жылы туулган Айпери жоголуп кеткен. Кыздын жакындары аны тандырда чогуу иштеген 29 жаштагы Кубанычбек аттуу жигит ала качып кетиши мүмкүн деп шектенишүүдө.
"Алдын ала маалыматтар боюнча жоголгон кыз Алматы шаарында болушу мүмкүн", — деп маалымдайт аталган шаардын ички иштер департаменти.
Чүй облустук ички иштер башка башкармалыгы да Айпериге издөө салган болчу. Аны көрүп-билгендер болсо (0312) 43-01-27; (0312) 43-88-85; (0555) 03-60-00 телефондору аркылуу байланышса болот.
Бир жума мурун Айпери апасы менен казакстандык номерден чалып байланышкан.
"Ал бардыгы жакшы экенин айткан. Титиреген үнү менен аны издебей эле коюну суранган. Анын жанындагы бирөө ага эмнелерди айтуу керектигин шыбырап жаткандай болду", — дейт кыздын апасы Асель Сариева.
Кыздын жакындары аны кулчулукка сатып жибериши мүмкүндүгүн айтышууда.
