Бүгүн Чүй облустук соту улуттар аралык жаңжалды козуткан деп өмүр бою эркинен ажыратылган Азимжан Аскаровдун ишин каралды. Сот отурумунун жүрүшүндө күбөлөр көрсөтмө берип, Аскаровду Кадыржан Батыровдун жанында жүргөнүн айтышты.
Ал эми Азимжан Аскаров өз кезегинде колуна Куран кармап, ак экенин билдирди.
Эске сала кетсек, Аскаровду сот улут аралык араздашууну тутандырып, массалык башаламандыкты уюштургандыгы, 2010-жылдын июнь айындагы кайгылуу окуялар учурунда милиция кызматкерди ырайымсыз түрдɵ ɵлтүрүүгɵ катыштыгы үчүн соттогон.
2016-жылдын 12-июлунда Жогорку сот Жалал-Абаддын облустук сотунун өкүмүн жокко чыгарып, 2010-жылдын июнь айында улут аралык араздашууну тутанткан деп соттолгон Азимжан Аскаровдун ишин Чүй облустук сотко жөнөткөн.
