ЦРУ башчысы: "Ислам мамлекетине" кошулгандар азайып бара жатат

© Sputnik / Андрей Стенин / Медиабанкка өтүү“Ислам мамлекети” террордук уюмунун желеги. Архив
“Ислам мамлекети” террордук уюмунун желеги. Архив - Sputnik Кыргызстан
Жазылуу
Сирияда куралдуу көтөрүлүштүн кесепетинен 220 миң адам каза болгон.

БИШКЕК, 12-сен. — Sputnik. АКШнын Чалгын боюнча башкармалыгынын жетекчиси (ЦРУ) Жон Бреннан “Ислам мамлекети” террордук уюмунун катарына кошулгандардын саны азайып бара жаткандыгын айтты. Бул туурасында РИА Новости кабарлады.  

"Чет элдик согушкерлер булар жеңет деген ниет менен алардын катарына кирип баштаган. Азыр жеңилип бара жаткандыктан көптөрдүн ишеними азайып калды. Андыктан, менин пикиримде, эл "Ислам мамлекетин" алар кошула турган уюм катары карабай калышты",— деп билдирген Бреннан CBS News телеканалына берген маегинде.

2011-жылдын март айынан тарта Сирияда куралдуу көтөрүлүш уланып келет. Бириккен Улуттар Уюмунун маалыматына караганда, анын кесепетинен 220 миң адам каза болгон. Өкмөттүк аскерлерге ар кыл куралдуу топтордон турган согушкерлер каршы чыгып келет. Алардын активдүүлөрү — Кыргызстанда, Россияда жана бир топ мамлекеттерде ишмердүүлүгүнө тыюу салынган "Ислам мамлекети", "Жебхат ан-Нусра" (аталышы жакындан тарта өзгөргөн "Жебхат Фатах аш-Шам") уюмдары. 

Жаңылыктар түрмөгү
0