БИШКЕК, 31-авг. — Sputnik. Кыргызстандын эгемендүүлүгүнүн 25 жылдыгына карата өткөрүлгөн көк бөрү боюнча мелдештин финалында Таластын командасы жеңишке жетип, президенттин кубогуна ээ болду.
Эскерте кетсек, аталган дубандын улакчылары Оштун "Достук" командасы менен беттешип, 3:1 эсебинде утуп алды.
Үчүнчү орун үчүн болгон таймашта Чүйдүн "Сары Өзөн" менен "Арашан" командалары беттешип, сары-өзөндүктөр коло байгеге ээ болду.
Мында 1-орун алгандар 1 000 000 сом, экинчиге татыгандар 500 миң, ал эми үчүнчү орунду алгандар 250 миң сом менен сыйланышты.
Көк бөрү боюнча турнир Бишкектеги "Ак-Кула" ат майданында өтөт.
Белгилейт кетсек, былтыркы башкы байгеге да Таластын командасы ээ болгон.
