БИШКЕК, 30-авг. — Sputnik. Кыргыз тараптын демилгеси менен 30-августта тышкы иштер министри Эрлан Абдылдаев кытайлык кесиптеши Ван И менен телефон аркылуу сүйлөштү.
Маалыматка ылайык, Абдылдаев Бишкектеги Кытай элчилигинин аймагында болгон терактыны кескин сынга алып, өлкөнүн тийиштүү органдары бардык аракеттерди көргөнүн белгиледи.
Терактыга тиешелүүлөрдүн баары жазаланарына ишендирген министр эл аралык укуктун ченемдерине ылайык Кытайдын дипломатиялык өкүлчүлдүгүнүн коопсуздугу камсыздаларын кошумчалады. Эки министр терроризм, сепаратизм жана экстремизм сыяктуу ири коркунучтарга каршы жигердүү күрөшүп жаткандыктарын белгилешти.
