БИШКЕК, 29-авг. — Sputnik. Кыргызстандык Бегимай Карыбекова "Мисс Интерконтиненталь – 2016" сулуулар сынагына катышууга укук алды. Бул тууралуу Sputnik Кыргызстан маалымат агенттигине Бегимай өзү кабарлады.
Ал Германияда өткөн Top Model of The World – 2016 сулуулар конкурсунун жыйынтыгында рейтинг тизмесинде үчүнчү турган сынакка катышууга укук алган.
"Сынактын жыйынтыгы менен "Miss Intercontinental – 2016" сынагына Кыргызстанды жүзү болуп чыкмай болдум. Чакырууну Дүйнөлүк сулуулар сынагынын уюштуруучулары тапшырды", — деди Карыбекова.
Дүйнөдө сулуулар сынагы боюнча үчүнчү орунда турган "Мисс Интерконтиненталь" 1971-жылы уюштурулган.
Анын кезектегиси быйыл октябрда Шри-Ланкада өтөт.
