БИШКЕК, 27-авг. — Sputnik. Намаз окуп жаткандардын үстүнө мечиттин шыбындагы асма шам түшүп кетип, 11 киши жаракат алган. Окуя Түркиянын Кайсери шаарындагы ири мечиттеринин биринде болгон. Бул туурасында РИА Новости Haberturk каналына шилтеме кылып жазды.
Kayseri'de cuma namazı öncesi caminin avizesinin cemaat üzerine düşmesi sonucu 11 kişi yaralandı. pic.twitter.com/EypwpGCfcp
— Burak Doğan (@doganburak29) 26 августа 2016 г.
Мечиттеги окуяга күбө болгондордун айтымында, көлөмдүү, тегерек формадагы асма шам эңкейип намаз окугандардын дал башына түшкөн. Дүрбөлөңгө түшкөн мечиттин кызматкерлери менен намазга келгендер жарадар болгондорду эшикке чыгарып, Тез жардам чакырган. Жетип келген дарыгерлер аларга алгач медициналык биринчи жардамды көрсөтүп, андан кийин ооруканага алып кеткен.
