БИШКЕК, 29-июл. — Sputnik. Орто-Сай айылында Lexus LS-460 унаасы жарылып, окуядан прокуратура кызматкери жабыркаган.
Ал ортодо Чүй ОИИБден аталган факты боюнча кылмыш иши козголгонун билдиришти.
"29-июль күнү саат 08:30дар чамасында Орто-Сай айылында Lexus LS-460 үлгүсүндөгү автоунаа жарылган. Аталган факты боюнча Кылмыш жаза кодексинин 28-340-беренелери укук коргоо органынын кызматкеринин өмүрүнө кол салуу боюнча кылмыш иши козголду", — деп айтылат маалыматта.
Аталган кылмыш иши Аламүдүн райондук прокуратурасына өткөрүлүп берилди.
Дарыгерлердин айтымында жабырлануучу Бишкек шаардык травмотолгия жана ортопедия илимий-изилдөө борборуна жаткырылды. Жардыруудан улам Прокуратура кызматкери колунан айрылып, көзү дагы жабыркаган. Учурда анын абалы оор бойдон калууда.
