БИШКЕК, 20-июл. — Sputnik. Россия президенти Владимир Путин менен Түркия башчысы Режеп Тайип Эрдоган менен август айынын башында жолугат. Бул тууралуу РФ президентинин маалымат катчысы Дмитрий Песков билдирди.
Белгилей кетсек, 16-июлдун түнүндө Түркиянны бийлигин басып алууга аскердик аракеттер болгонун жарыялаган. Өз кезегинде Түркиянын аскерлери бийлик алардын колуна өткөнүн жар салышкан. Ишемби күнү эртең менен аскерлер колго түшүп берип баштаган. Түрк бийлиги козголоңчулардын аракети ишке ашпай калганын билдирген. Түркиянын укук коргоо органдары тарабынан 3 миңден ашык киши камакка алынган, алардын арасында генералдар жана башка жогорку кызмат адамдары болгон. Өлкөнүн бийлигин басып алууга жасалган аракеттин кесепетинен акыркы маалыматтар боюнча 265 киши каза болгон.
