БИШКЕК, 19-июл. — Sputnik. Жалал-Абадда 14 кылмыш жасаган деген шек менен 26 жаштагы Ноокен районунун тургуну кармалды. Бул тууралуу Жалал-Абад облустук ички иштер башкармалыгы билдирди.
Маалыматка ылайык, 14 кылмышка шектелип издөөгө алынган кылмышкер 14-июлда колго түшкөн.
Буга чейин Жалал-Абад, Майлуу-Суу,Таш-Көмур, Сузак, Базар-Коргон, Ноокен аймактарында жүрүп ар кандай уурулук жасагандыгы аныкталып, жалпысынан 14 фактыга тиешеси бар экендиги далилденип кылмыштын бети ачылган.
Мындан сырткары анын Бишкек шаарында жасаган эки кылмыш иши аныкталып, далил буюм катары уурдалган мотоцикл алынган.
Уурдалган буюмдардын жалпы суммасы 800 000 сомду түзгөн. Азыркы учурда кылмышкерге соттун уруксаты менен 2 айга камака алынды.
