БИШКЕК, 17-июл. — Sputnik. Ереван шаарынын Эребуни аймагындагы полициянын имаратын басып алууда бир полиция каза болуп, экөө жаракат алганын Sputnik Армения маалымат агенттиги өлкөнүн Улуттук коопсуздук кызматына шилтеме берүү менен билдирди.
"Бир полиция каза болуп, экөө жаракат алды", — деп айтылат билдирүүдө.
Туткунга алынган эки киши атайын операция учурунда бошотулду.
"Укук коргоо органдары абалды толугу менен көзөмөлгө алган жана абалды жөнгө салуу үчүн бардык аракеттер көрүлүүдө", — деп Армениянын Улуттук коопсуздук кызматы билдирүү тараткан.
Белгилей кетсек, полициянын имаратын басып алган куралчан топ камакка алынган "Жаңы Армения" коомдук куткаруу оппозициялык фронтунун лидери Жирайр Сефилянды бошотууну талап кылышкан.
