БИШКЕК, 16-июл. — Sputnik. Унаалардын айнектерин мыйзамсыз караңгылатып алган айдоочуларды аныктоо үчүн жүргүзүлгөн рейдде 188 унаа кармалды. Бул туууралуу Кайгуул күзөт милициясынын маалымат кызматы билдирди.
Рейд жума күнү жүргүзүлгөн.
"Рейд учурунда алдыңкы айнектери караңгылатылган 188 унаа кармалды. Алардын ээлери административдик жоопкерчиликке тартылышты. 52 унаа айып короого токтотулду", — деп айтылат маалыматта.
Кайгуул күзөт милициясы унаанын алдыңкы айнектерин караңгылатуу айрым гана атайын кызматтарга уруксат берилерин эскертет. Айып пулдун көлөмү эки миң сомду түзөт.
