Төңкөрүш жасоо аракеттеринин алгачкы сааттарында тик учактан козголоңчулар жерди көздөй ок чыгаргандыгы видеого жазылып калган.
Ишемби күнү Түркиянын президенти өкмөттүк мекемелерди аткылаган тик учак өкмөттүн аскерлери тарабынан атып түшүрүлгөнүн билдирди.
Жума күнү кечинде Түркиянын өкмөт башчысы Бинали Йылдырым NTV каналына телефон аркылуу өлкөнүн Башкы штабынын Куралдуу күчтөрүнүн аскерлери тарабынан төңкөрүш жасоого аракеттер болгонун билдирген. Анын айтымында, аскерий адамдардан турган топ "жоопкерчиликсиз мыйзамга каршы келген аракеттерди" жасоого аракет кылышкан.
Ал эми 16-июль күнү эртең менен Түркия бийлиги аскерий төңкөрүш жасагандардын максаты ишке ашпай калганын жарыялады.
