БИШКЕК, 14-июл. — Sputnik. Алмазбек Атамбаев Франциянын президенти Франсуа Олландды улуттук майрам — Бастилия алынган күн менен куттуктаганын КР президентинин маалымат кызматы билдирди.
Мамлекет башчынын куттуктоосунда Кыргызстан менен Франция ортосундагы салтка айланган достук мамилелер урматтоонун жана эки тараптуу пайдалуулуктун принциптеринде эки элдин кызматташтыгы тереңдей берерине ишенери айтылат.
Атамбаев Олландка бекем ден соолук, бакубатчылык жана мамлекеттик ишинде мындан аркы ийгиликтерди, ал эми Франциянын элине — тынчтык жана гүлдөп-өнүгүүнү каалады.
