БИШКЕК, 14-июл. — Sputnik. Быйыл өтө турган Экинчи Дүйнөлүк көчмөндөр оюндарынын расмий сайты ачылды. Аны техникалык адистер үч ай даярдашты деп билдирди аталган оюндардын катчылыгынын жетекчиси Нурдин Султанбаев.
Сайт демөөрчүлөрдүн каражаттарына жасалып, "Кыргызтелеком" ишканасынын серверлеринде жайгаштырылган.
Катчылыктын жетекчисинин айтымында, ар бир катышкан өлкөнүн өзүнүн баракчасы жасалып, анда ал мамлекет жана катышып жаткан спортчулары тууралуу маалыматтар илинет.
Катчылыктан жакынкы күндөн тарта сайтта интернет-дүкөн ишке кирип, сувенирлерди сатууга болорун айтты.
Экинчи Дүйнөлүк көчмөндөр оюндарынын сайты архивделип, андагы зарыл болгон маалыматтардын бардыгы жаңы версияга көчүрүлгөн.
Sputnik Кыргызстан маалымат агенттиги жана радиосу 2016-жылы өтө турган Экинчи Дүйнөлүк көчмөндөр оюндарынын расмий өнөктөшү.
