БИШКЕК, 7-июл. — Sputnik. "Барселона" клубунда ойногон аргентиналык футболчу Лионель Месси аны атасы менен салык төлөөдөн качкан деп айыптап, 21 айга шарттуу түрдө кескен соттун чечимин даттанат. Бул тууралуу РИА Новости France Press агенттигине шилтеме берүү менен билдирди.
Белгилей кетсек, 6-июлда Лионель Месси жана анын атасы Хорхе Мессини Барселонанын соту салык төлөөдөн качкан деген жүйө менен 21 айга шарттуу кескен. Сот футболчуга 2 миллион евро айып салса, атасы 1,5 миллион евро айыпка жыгылган. Футболчунун аны айыптаган чечимдине макул эместигин билдирип, Испаниянын Жогорку сотуна кайрылууга укугу бар.
