БИШКЕК, 7-июл. — Sputnik. КР президенти Алмазбек Атамбаевдин өзү чыгарган дагы бир ыры интернетке жарыяланды. Ал "Мен сенсиз жашай албайм" ("Я не могу без тебя жить") деп аталат.
Атамбаев бул ыр таң калычтуу жагдайда жазылганын айтат.
"Мен бул чыгарманы 2009-жылы жазгам. Анын жазылышы да абдан таң кылышчтуу болду. Мен суденттик ансамблде ойноп жүргөндө, гитарда "Вальс" деген эски мелодияны чертип калдым. Анан калса Николай Асеевдин "Мен сенсиз жашай албайм" ("Я не могу без тебя жить")" деген ырын жакшы көрчүмүн. Кийин бул эски мелодия менен анын ырын айкалыштырып койдум", — дейт Атамбаев.
Буга чейин өлкө башчынын "Судьбе назло" деген автордук ыры интернетке жарыяланып, беш күндүн ичинде 160 миңден ашык жолу каралган.
Ошондой эле президенттин маалымат кызматы Атамбаев юбилейине карата өзү чыгарган ырлардын альбомун чыгарып, аны жакындарына таратууну пландап жатканын маалымдаган болчу.
Башка мамлекет президенттеринин ышкыбоздугу жөнүндө Sputnik Кыргызстан материалынан окуңуз>>
