БИШКЕК, 6-июл. — Sputnik. Бишкек мэри Албек Ибраимов Москва жана Байтик баатыр көчөлөрүнүн кесилишиндеги гүл павильонунун жанында жүрүп жаткан жеңилдетилген конструкциядагы курулуш ишин токтотту. Бул тууралуу мэриянын маалымат кызматы билдирди.
Мэр аталган объект жарандардын эс алуучу жайына айланып калганын белгилеген.
"Жеңилдетилген конструкциядагы курулуш ишин баштоону көздөгөн жаран эс алуучу жайды башка нукка бурууну пландаган. Ал эми "Бишкекбашкыархитектура" курулуштун уюштуруу иштеринин техникалык мүмкүнчүлүктөрүн карап жаткан", — деп айтылат маалыматта.
Бирок Бишкек мэри Албек Ибраимов курулуш иштерин токтотууга буйрук берип, эл эс алуучу жайдын функциясы өзгөрбөй турганын белгилеген.
