БИШКЕК, 11-июн. — Sputnik. Азербайжандын Коргоо министри Тоолуу Карабах тилкесинде ок атууну токтотуу келишими бир суткада 25 жолу бузулганын билдирди.
"Буга чейин сүйлөшкөн келишимге карабай Карабах менен кесилишкен тилкеде армян армиясы аны бир сутка ичинде 25 ирет бузду", — деп айтылат аталган министрликтин маалымат тараткан билдирүүдө.
Карабах чатагы 2016-жылдын 2-апрелде кайрадан башталып, бирок 5-апрелде гана атышууну убактылуу токтотуу боюнча мунасага келишкен. Азербайжандын Коргоо министрлиги да, Армения да бири-бирин ок атууну убактылуу токтотуу боюнча келишимди бузду деп келет. БУУнун маалыматы боюнча чыр-чатактын айынан 33 адам каза болуп, дагы 200ү жаракат алган.
1992-жылдан бери Европанын коопсуздук жана кызматташуу уюму тирешүүнү тынчтык жолу менен чечүү боюнча жүргүзүүлөрдү уюштуруп келет. Азербайжан өзүнүн аймагынын толук сакталып калуу керектигин айтса, Армения тааныла элек республиканын кызыкчылыгын сактоо керек деп көшөрүп турат.
