БИШКЕК, 19-май — Sputnik. Алайдын Гүлчө айыл аймагындагы Жылы-Суу айылында жааган жамгырдын кесепетинен таш кулап, турак үйлөрдүн бирин тешип кеткен. Бул тууралуу ӨКМ билдирди.
Маалыматка ылайык, кырсык 18-майда кечки саат тогуздар чамасында болгон. Үй авариялык абалга жеткен. ӨКМдин маалыматында адам өмүрүнө зыян келген жок.
Алайдын Гүлчө айыл аймагындагы Жылы-Суу айылында кулап калган таш
© пресс-служба МЧС КР
Өзгөчө кырдаалдарга мониторинг жүргүзүү, божомолдоо департаментинин адистери 2004-жылы жаралган кооптуулуктан улам, бул үй-бүлөнүн башка аймакка көчүүсүн эскерткен.
Жабыркаган үйдүн жашоочулары азыр убактылуу жашап туруу үчүн кошунасынын бош турган үйүнө жайгаштырылды.
