Өлкө боюнча жаандуу аба ырайы дагы эки күн сакталат

© Sputnik / Табылды КадырбековКол чатыр көтөргөн адамдар. Архив
Кол чатыр көтөргөн адамдар. Архив - Sputnik Кыргызстан
Жазылуу
Синоптиктердин божомолуна ылайык 19-майдан тарта күн ачылат.

БИШКЕК, 17-май — Sputnik. Кыргызстан боюнча жаандуу аба ырайы дагы эки күн сакталат. Бул тууралуу Кыргызгидромет билдирди.

Маалыматка ылайык, 19-майдан тарта күн ачылып, нөшөрлөгөн жаандар токтойт.

"Биздин божомол боюнча 19-майдан кийин аба ырайы өзгөрүп, күн ачылат. Жаандуу аба ырайы дагы эки күн сакталат", — деп айтылат билдирүүдө.

Белгилей кетсек, май айынын башы абдан жаандуу болуп, айрым аймактарда бир айлык нормадан ашып кеткен. Нөшөрлөгөн жаандан улам, жер көчүп, сел жүрүп бир катар чыгымдарды алып келүүдө.

Жаңылыктар түрмөгү
0