"10-майга караган түнү Лейлектин жети айыл өкмөттүн жыйырма айылында, Лейлектин үч айыл өкмөтүндө катуу шамал катталды", — деди ӨКМдин Баткен облустук башкармалыгынын ыкчам бөлүмүнүн жетекчиси Орозбек Пазылов.
Катуу шамал турак жайлардан сырткары электр чубалгыларды үзүп, мамыларды жарактан чыгарган. Анын кесепетинен көп айылдар электр энергиясыз калып, учурда калыбына келтирүү иштери жүрүп жатат.
"Уктап жатсак, катуу үн чыкты. Эшикке чыксак, шыйпырларды шамал жулуп кетип жатыптыр. Эшикке чыккандан да коркуп, үйдө отурдук",— деди Бужум айылынын тургуну Абдырахман Каримов.
Шамалдан дыйкандар да олуттуу зыян тартканы айтылууда. Дарактар сынып, бышып-жетиле элек өрүктүн мөмөсү күбүлүп түшкөн.
Март айында да ушундай шамал катталып, анда негизинен Лейлек районунундагы айылдар зыян тарткан эле.
