Майрамдан улам Бишкектеги "Жеңиш" аянты тыкыр көзөмөлгө алынат

Жазылуу
Борбор калаадагы "Ала-Тоо", "Жеңиш" аянттарында жана "Ак кула" ат майданы менен Дөлөн Өмүрзаков атындагы стадиондо эки миң милиционер кызмат өтөйт.

БИШКЕК, 8-май — Sputnik. Жеңиш күнү 9-майда Бишкектеги "Жеңиш" аянты тыкыр көзөмөлгө алынат. Бул тууралуу Бишкек шаардык ички иштер башкармалыгынын маалымат кызматы билдирди.

Ага ылайык, аянтка мас абалдагы кишилер өткөрүлбөйт.

"Жеңиш аянты толугу менен курчоого алынат. Каалоочулар атайын белгиленген жерлерден гана кире алышат. Спирттик ичимдиктерди алып келүүгө тыюу салынат", — деп айтылат маалыматта.

Мындан сырткары айрым көчөлөр жабылат.

Майрам күнү "Ала-Тоо", "Жеңиш" аянттарында жана "Ак кула" ат майданы менен Дөлөн Өмүрзаков атындагы стадиондо эки миң милиционер кызмат өтөйт.

Жаңылыктар түрмөгү
0