БИШКЕК, 6-май — Sputnik. Кара-Балта шаарында Жеңиш күнүнө арналган автожүрүш башталды.
Улуу Ата Мекендик согушка катышкан мурунку СССРдин курамындагы республикалардын желегин желбиреткен 28 автоунаа шаардын башкы көчөлөрүнөн өттү. Алгач иш-чарага 45 машинанын катышуусу күтүлүп жаткан.
Акцияга жаштар жана ардагерлер катышты. Согуштун катышуучусу Павел Нестеров 21 ардагердин төртөө гана аталган иш-чарага келгенин белгиледи.
"Кара-Балтада 21, ал эми Жайылда болгону тогуз ардагер калды", — деди Нестеров.
Автожүрүш "Кара-Балта – Сокулук – Чалдовар – Кара-Балта" багыты боюнча өтөт.
