БИШКЕК, 6-май — Sputnik. Улуу Ата Мекендик согуштун ардагерлерине Жеңиш күнүнө карата материалдык жардам көрсөтүлө баштаганын шаардык мэрия билдирди.
Маалыматка ылайык, бүгүнкү күндө борбор калаада 1762 ардагер жашайт. Алардын арасында концлагерлерде туткундалгандар, Ленинград блокадачылары, ооруктагылар бар.
Жеңиш күнүнө карата шаардык социалдык өнүгүү башкармалыгы тарабынан 299 ардагерге 10 миң сомдон, ал эми ооруктагы эмгекчилер, согушта курман болгон жоокерлердин үй-бүлөлөрүнө беш миң сомдон бир жолку жардам көрсөтүлүүдө.
