БИШКЕК, 5-май — Sputnik. Кытайдын Хунань провинциясында мутант бала төрөлдү. Анын колдорунда 15, буттарында 16 манжа болуп, баш бармактары таптакыр жок. Бул тууралуу РИА Новости CNN агенттигине шилтеме берүү менен жазып чыкты.
Chinese boy born with 31 fingers and toes; parents hope for surgery https://t.co/axxzpKphmP #polydactyly
— Ben Torgerson (@togii1) 5 мая 2016 г.
Дарыгерлер баланын ашыкча манжаларын операция жолу менен алууга 30 миң доллар керектелерин айтышты. Бул сумманын ичине баш бармактарды жасоо дагы кирет. Ымыркайдын ата-энеси интернет аркылуу алты миңден ашык доллар чогултууга жетишти.
Мындай өзгөчөлүк менен Опра Уинфри жана Хэлли Берри сыяктуу дүйнө жылдыздары да төрөлгөн.
Ал эми манжалардын көптүгү боюнча дүйнөлүк рекорд индиялык Акшат Саксенге тийиштүү. Анын колдорунда жетиден, буттарында 10дон манжасы болуп, жалпы саны 34кө жеткен.
