БИШКЕК, 28-апр. — Sputnik. Аялзатынан чыккан алгачкы илимдин доктору, академик Бүбүйна Орузбаеваны "Эл баатыры" наамына көрсөтүү аракеттери көрүлөт. Бул тууралуу Илимдер академиясы билдирди.
Конференцияга Орузбаеванын бир тууганы Гүлмайрам Ноорузбаева катышып, эжесинин жасаган эмгектерин эскерди.
"Бүбүйна эжем тил болбосо мамлекет болбойт деп Ишеналы Арабаевдин тил илимине кошкон салымы, жасаган эмгектери жөнүндө ачык айтып, ага жогору баа берген. Бийлик бул сөзүн туура эмес көрүп, аны партиядан чыгарып, институттун директорлугунан түшүргөн", — деди сиңдиси.
Белгилей кетсек, Бүбүйна Орузбаева Улуттук илимдер академиясынын анык мүчө-академиги, Кыргызстандын илимине эмгек сиңирген ишмер, мамлекеттик сыйлыктын лауреаты болгон.
Академик Бүбүйна Орузбаева 1924-жылы 20-декабрда Ысык-Көл облусундагы Ак-Суу районунун Чолпон айылында туулуп, 2013-жылы 28-октябрда 89 жаш курагында дүйнөдөн кайткан.
