БИШКЕК, 22-апр. — Sputnik. "Өлбөс полк" акциясы 9-майда өтө турганын Бишкек шаардык кеңешинин маалымат кызматы билдирди.
Шаардык кеңеш буга 1-5-май күндөрүн эс алуу деп жарыялаган өкмөттүн токтому себеп болгонун түшүндүрүп беришти.
Жүрүш эски аянттан башталып, Жеңиш аянтына чейин болот. Ал жактан иш-чара митинг-реквием менен уланмакчы.
"Өлбөс полктун" салтанаттуу башталышы саат 11.00гө белгиленген. Ал эми эски аянтка саат 10.00гө баруу зарыл. Иш-чараны Бишкек шаардык кеңеш менен мэрия биргеликте уюштуруп, үч жылдан бери өткөрүп келет.
"Өлбөс полк" — 9-майга карата жыл сайын өткөрүлүүчү ири эл аралык акция. Ал Улуу Ата Мекендик согуштун ардагерлерине жана катышуучулардын элесине арналып, жүрүштө согушта курман болгондордун жакындары алардын сүрөттөрүн кармап өтөт.
Аталган акция биринчи жолу 2012-жылы Россиянын Томск шаарында өткөн.
