БИШКЕК, 18-апр. — Sputnik. Экстремизм жана терроризм менен соттолгондор эми абактарда бөлөк кармалат. Бул боюнча мамлекет башчысы Алмазбек Атамбаев Жазык-аткаруу кодексине өзгөртүүлөрдү киргизүү жөнүндө мыйзамга кол койгонун президенттин маалымат кызматы билдирди.
Мыйзамдын максаты — абак жайларында экстремисттик багыттагы үгүт иштерин жүргүзүүнү азайтуу үчүн экстремизм жана терроризм үчүн абакка кесилгендерди бөлүп кармоо.
Маалымат кызматы мыйзам расмий жарыяланган күндөн тартып он күн өткөндөн кийин күчүнө кирерин билдирди.
