БИШКЕК, 13-апр. — Sputnik. Ошто бир үйгө чагылган түшүп, андан электр жабдуулары иштен чыкканын Өзгөчө кырдаалдар министрлиги билдирди.
Маалыматка ылайык,Өзгөн районуна караштуу Эркин-Тоо айылынын тургуну Жээнали Жамантаев турак жайына чагылган түшкөндүгүн билдирген. Анын айтымында, чагылгандын кесепетинен мончосунун шиферлери, турак жайынын айнектери сынып, муздаткычы жана электр эсептегичи (счетчик) жараксыз абалга келген.
Окуяны жеринен тактоо үчүн КР ӨКМдин Өзгөн райондук бөлүмүнүн кызматкерлери аталган жерге жөнөп кетти.
Такталган маалымат кошумча берилет.
