Чагылган тийип каза болгон кыргызстандык жарандын сөөгү мекенине жөнөтүлдү

© Sputnik / Евгения Новоженина / Медиабанкка өтүүМосква шаары. Архив
Москва шаары. Архив - Sputnik Кыргызстан
Жазылуу
Табигый кырсыктан набыт болгон кыргызстандык мигрант Ош облусундагы Кара-Суу районунун тургуну болгон.

БИШКЕК, 29-июль — Sputnik. Москвада каза болгон кыргызстандык Дилшат Айдаровдун сөөгү Жүк-200 менен мекенине жөнөтүлгөнүн КРдин Россиядагы элчилигинин өкүлү Айымкан Кулукеева билдирди. 

Анын айтымында, сөөк элчиликтин жардамы менен Айдаровдун туугандарынын коштоосунда жөнөтүлдү.

"Чагылган тийип каза болгон 38 жаштагы Айдаров Ош облусунун Кара-Суу районунун тургуну болчу", — деди Кулукеева.

Маалыматка ылайык, каза болгон киши Москванын "Сетунь" ишканасында убактылуу иштеп жүргөн. Кырсык Айдаров күн күркүрөп, жамгыр төккөн учурда уюлдук телефон менен сүйлөшүп жатканда болгон. Чагылган ага дал ошол маалда тийген. 

Жаңылыктар түрмөгү
0