БИШКЕК, 8-апр. — Sputnik. Бишкек шаарында 600 спортчу катышкан Кыргызстандын самбо боюнча биринчилиги жыйынтыкталды. Бул тууралуу Спорттун олимпиадалык эмес түрлөрү боюнча дирекциянын маалымат кызматы билдирди.
Ага ылайык, мелдеш самбонун спорттук жана мушташ түрү боюнча өтүп, анда мушкерлер тогуз салмак категориясында күч сынашты.
Натыйжада спорттук самбо боюнча Эрмек Акматов 52 килограмм, Даврон Маразыков 57 килограмм, Белек Бараканов 62 килограмм, Руслан Токторбаев 68 килограмм, Кубанычбек уулу Азиз 74 килограмм, Максим Мануилов 82 килограмм, Павел Гончаров 90 килограмм, Урмат Арыкбаев 100 килограмм, Сархан Исмаилов 100 килограммдан жогорку салмакта чемпион болушту.
Самбонун мушташ түрүндө Мухаметали Эргешев 52 килограмм, Алтынбек уулу Аманат 57 килограмм, Токтобай уулу Жалынбек 62 килограмм, Арген Авдувалиев 68 килограмм, Аскаралы уулу Акай 74 килограмм, Данияр Бабакулов 82 килограмм, Рахманберди уулу Төлөгөн 90 килограмм, Азиз Токтомамбетов 100 килограмм, Кубанычбек Көкүмов 100 килограммдан жогорку салмакта алтын тагынышты.
