БИШКЕК, 25-мар. — Sputnik. Билим берүү жана илим министрлигинин коллегиясы 14 жогорку окуу жайдагы (биринчи курска кабыл алууга укугун чектөө) айрым адистиктерди жана программаларды жабуу боюнча чечим кабыл алды. Бул тууралуу билим берүү министри Элвира Сариева өзүнүн Facebook баракчасына жазды.
Жалпысынан жогорку окуу жайлардагы 65 программа жабылат. Андан сырткары, кесиптик окуу жайдагы үч адистикти жабуу чечими кабыл алынган.
Сариева мында абитуриенттер толбой калган адистиктер менен план аткарылбай калган программалар жабылганын белгилеген.
Азырынча мындай чечим кайсы жогорку окуу жайлардагы адистиктерге тийиштүү экени так айтыла элек.
