БИШКЕК, 25-мар. — Sputnik. Кечээ, 24 мартта таңга маал шаардын Ахунбаев көчөсүндө 45-50 жаштагы аялды коюп, качып кеткен айдоочу кармалганын Бишкек ШИИБ билдирди.
24 Жалган Куран 2016, 14:36
Маалыматка ылайык, кырсык кесепетинен аял каза болгон. Окуя болгон жерге милиция кызматкерлери келип, экспертиза дайындалган.
Иликтөө иштеринин натыйжасында кырсыкка себепкер 24 жаштагы айдоочу кармалып, анын мас абалында экени аныкталган. Унаа айып короого токтотулду.
Кармалган айдоочу Бишкек ШИИБнын убактылуу кармоочу жайына киргизилди. Текшерүү иштери башталды.
