БИШКЕК, 24-мар. — Sputnik. Тажикстандын футбол боюнча курама командасы австралиялыктардан 7:0 эсеп менен утулуп калганын Sputnik Тажикстан агенттиги билдирди.
2018-жылы өтө турган Дүйнө чемпионатынын тандоо турунун алкагындагы беттешүү бейшемби күнү Канберра шаарында өттү.
Акыркы оюнун аталган команда эми 29-март күнү Душанбеде кыргызстандык футболчуларга каршы өткөрөт.
Кыргызстандык команданын эсебинде учурда 11 упай бар. "В" тайпасында биринчи орунда 18 упай менен Австралия келе жатат, Иордания 13 упай менен экинчи орунда. Улуттук команда үчүнчү катарда. Ал эми Тажикстан беш упай менен төртүнчү, Бангладеш бир упай менен бешинчи орунда келе жатат.
2018-жылы өтө турган Дүйнө чемпионатынын финалдык бөлүгү Россияда өтөт.
