БИШКЕК, 23-мар. — Sputnik. Өлкөдөгү кырдаалды курчутуу, бийликти басып алуу тууралуу сүйлөшүүлөр жазылган аудио буга чейин Улуттук коопсуздук боюнча мамлекеттик комитеттин колунда болуп келгенин аталган мекеме билдирди.
21-март күнү Интернет айдыңында аудио пайда болуп, анда Кубанычбек Кадыров, Дуулатбек Турдуналиев жана Бектур Асанов болушу мүмкүн делген оппозиционерлер бийликти басып алуу, аймактарда баш аламандык уюштуруу жана акча бөлүштүрүү тууралуу сүйлөшүп жаткандыгы жазылып алынган.
Оппозиция өкүлдөрү сүйлөшүү жазылган видеонун монтаж экенин айтышууда.
УКМК аталган аудиого буга чейин козголгон кылмыш иштин алкагында жана соттун чечими менен ээ болгонун белгиледи.
Ал эми кылмыш иши боюнча маалымат берилген эмес.
