БИШКЕК, 17-март. — Sputnik. Сириялык армия элдик кошуундардын жардамы менен "Ислам мамлекетинин" согушкерлеринен Пальмира шаарынын түштүк-чыгышындагы тоо кыркасын тартып алды. Бул туурасында аскердик булакка таянып, РИА Новости кабарлады.
"Сириялык армиянын аскерлери элдик кошуундар менен биргелешип, "Ислам мамлекетинин" согушкерлери ээлеп турган Хайа бөксө тоо кыркаларын террорчулардан тартып алды. Ал эми согуштук аймакта тургандарын жок кылды",— деп билдирди аскер адамы агенттикке.
Анын айтымында, Сириянын аскер аба күчтөрү аталган тоолорго жакын жайгашкан капчыгайдагы согушкерлердин командалык пунктун жок кылды. Ал кароол кылууга мүмкүнчүлүк берген бийиктик өкмөттүк армиянын колуна өткөндүгүн кошумчалады.
Буга карата ЮНЕСКО араб өлкөлөрүндө согуш аракеттеринен кыйроого учураган байыркы эстеликтерди калыбына келтирүү боюнча эл аралык иш-чараларга катыша турган атайын "жооп кайтаруу күчтөрүн" түзгөн. БУУнун Коопсуздук кеңеши 2015-жылдын 12-февралында РФтин демилгеси менен 2199-резолюцияны кабыл алган. Анда терроризмди каржылоо үчүн байыркы буюмдар менен маданий байлыктары сатууга карата тыюу күчөтүлгөн.
