ИМ согушчандары Пальмира шаарынын байыркы бөлүгүнө миналарды коюшту

© AFP / Joseph EidЮНЕСКОнун Бүткүл дүйнөлүк мурастарына кирүүчү Сириядагы алты объектинин бири болуп эсептелген Пальмиранын байыркы урандылары май айынын орто ченинде согушчандардын карамагына өткөн. Архив
ЮНЕСКОнун Бүткүл дүйнөлүк мурастарына кирүүчү Сириядагы алты объектинин бири болуп эсептелген Пальмиранын байыркы урандылары май айынын орто ченинде согушчандардын карамагына өткөн. Архив - Sputnik Кыргызстан
Жазылуу
ЮНЕСКОнун Бүткүл дүйнөлүк мурастарына кирүүчү Сириядагы алты объектинин бири болуп эсептелген Пальмиранын байыркы урандылары май айынын орто ченинде согушчандардын карамагына өткөн. Шаарды таштап кетерден мурун Сирия аскерлери андагы тургундардын көпчүлүк бөлүгүн көчүрүп чыгарган.

БИШКЕК, 22-июнь — Sputnik. "Ислам мамлекетинин" согушчандары ЮНЕСКОнун коргоосу алдында турган Пальмиранын урандыларына миналарды коюшкандыгы туурасында РИА Новости Рейтер агенттигине таянуу менен билдирет. 

"Согушчандар миналарды кечээ коюп чыгышты. Алар Рим театрына да жардыргычтарды орнотушкан. Муну себеби бизге дагы эле белгисиз", — деген Сириянын SOHR укук коргоо уюмунун башчысы Рами Абдулрахмандын сөздөрүн келтирген Рейтер. 

ИМ Тажикстандын чек арасына жакын жерде активдешип жатат деп эсептейт
ЮНЕСКОнун Бүткүл дүйнөлүк мурастарына кирүүчү Сириядагы алты объектинин бири болуп эсептелген Пальмиранын байыркы урандылары май айынын орто ченинде согушчандардын карамагына өткөн. Шаарды таштап кетерден мурун Сирия аскерлери андагы тургундардын көпчүлүк бөлүгүн, 11 миңге жакын аскер кызматкерлери менен саясий кылмышкерлерди жана Пальмиранын борбордук музейиндеги эң баалуу тарыхый эстеликтерди көчүрүп чыгып кеткен эле. Шаар басып алынгандан кийин байыркы урандылар менен имараттар жоголуп кетүү коркунучуна кабылды. 

"Ислам мамлекетинин" согушчандары каатчылык башталгандан бери Сириянын бүтүндөй аймагы боюнча 750 чакты маданий мурас объектилерин талап-тоноп, кыйроого учуратышты. Иракта террористтер өлкөнүн түндүгүндөгү байыркы Дур-Шаррукин шаарын толук жок кылышкан. Ошол эле Ирактын Мосул шаарында 3 миң жылдан ашык турган эстеликтер талкаланган.

ЮНЕСКО араб өлкөлөрүндө согуш аракеттеринен кыйроого учураган байыркы эстеликтерди калыбына келтирүү боюнча эл аралык иш-чараларга катыша турган атайын "жооп кайтаруу күчтөрүн" түзгөн. БУУнун Коопсуздук кеңеши 12-февралда РФтин демилгеси менен 2199-резолюцияны кабыл алган, ага ылайык, терроризмди каржылоо үчүн байыркы буюмдар менен маданий байлыктары сатууга карата тыюу күчөтүлгөн.

Жаңылыктар түрмөгү
0